اشتئتلك
اشتئت لحكيك
لصوتك
صوتك يلي سمعتو مرة
اشتئت للأنسان يلي خلئتلي يا لمدة شهر
وانخلئ ئلبي
وبعدين مات
وماتت عيوني معو
عم ادعي كل يوم بس اسمع منك كلمة
اي كلمة
اي حرف
اي شي
وكل مرة بسأل ليش صار كل هالشي
ليش صار كل هالشي

صايرة متل المجنونة
بدور ع حدا
اي حدا بشبهك
أي حدا بحكي متلك
بفكر متلك
بس لسكت وجع قلبي
بس لبرد عيوني

حاجة
دخيل الله حاجة
دخيل الله ليش عرفتك
دخيل الله كيف بنسوا العالم

كرهانة حالي
وكرهانتك
وعم تحترق عيوني
بيلي عم تكتبو لبنت تانية
هالحكي يلي اشتهيت يكون الي
هالقصة يلي اشتهيتا تكون قصتي
هالدنيا يلي اشتهيتا تكون دنيتي

مشتهية انساك
لو يرجع فيني الزمن لورا
راسي يا أبي
عيوني وقلبي
عم يحرقوني

صرت أفهم شو معنى كلمات متل على حافة الانهيار
على حافة الجنون
صرت افهم شو يعني
نزيف القلب
نزيف العيون

بجبر حالي اطلع لبرا
مغرقة حالي بالشغل
ما بدي ضل هيك
خايفة ضل هيك عايشة وهم
سراب
راسي رح ينكسر
مو قادرة فتح عيوني
مو قادرة عيش
يا ريتو يفننيني
ياريت ما عرفتك