اشتئتلك
مشتاقة لوجودك
تعبانة كتير
كيف ما لفيت عيوني عم شوف عيونك
وبغص
لو انو هاللي حاسستو لواحد عايش ئدامي
ئدام عيوني
كان أهونلي
بفكر انو يا ريت القدر شحط شحطة شوي وكان خالئك هون او كان خالئني هونيك
بس شو الفايدة
متأكدة انك ولو كنت ئدامي ما كنت حأعنيلك شي
شو بعرفني
حاسة حالي وحدة خوتة
بتعرف اني ميتة من الغيرة
بخرب بيت مخي شو مجنونة
مشتهية انسا
انسا كل شي
اسمي
شكلي وكل شي
يا ريت تصرلي شي حادثة وافقد الزاكرة
أديشها بتكون نعمة
مالي عرفانة كيف بدي سافر الاسبوع الجاية
مشتهية احكيك قبل ما امشي بس مالي شايفة في أي فايدة
أن حكيتني ولا ما حكيتني
ان حسيت فيني ولا ما حسيت
أن تزكرتني ولا ما تزكرتني
إن اشتقتلي و لا ما اشتقتلي
دخلك شو الفايدة

امبارحة ئعدت دعيت ودعيت ودعيت أنو توقف هالدنيا
توقف دنيتي
بتزكر من فترة أربع اشهر كنت تعبانة كتير
وما بعرف كيف شردت
كمشت حالي عم فكر أديش سهلة الواحد ينهي حياتو
أنو ابلع علبة ادوية وخلص بيوقف كل شي
حسيتها سسسسسهلة وبسيطة
أبسط من أي شي بهالدنيا
جمدو عيوني كأنو حدا ضربني عمخي
أنو كيف عم فكر هيك
يمكن لو ما الخوف من الله و حلاوة الروح مزروع جواتي كنت عملتا من زمان

بتعرف وئت بكتبلك هون أعصابي بتهدا شوي
بحسك عنجد عم تسمعني
وان كنت ما عم تسمعني
بعرف هلأ تفكيرك بوحدة بس
وعم تسمعها منيح
وعم تشتئلها منيح
يا ريتني انا هي او هي انا
يا ريت

الدنيا لتمشي لازم تنين تنين مو واحد واحد
صاير ئلبي اسود
كل ما بشوف تنين بحس بحقد وسواد غريب
اتفوه علي شو تافهة وتافهة وتافهة وغبية وجدبة ومالي معنى بهالكون
الفطريات احسن مني

عكلن

عينك عحالك