إليك رُفعت و لأجلك أغلقها

إليك أرفع هذه المدونة.

لروحك أينما ترقد ، أينما رحلت ،حيثما هي ،
أرفع هذه الكلمات ،
شيء مني ، شيء من ذاتي ، شيء من روحي ، شيئ من قلبي ،
أو قلبي كله .

إلى أُبي ، إن كان وهما أم حقيقية.
إليك أنت
أنت غصة القلب
رفض الروح
أنين العين

إليك ، أهديك أنا

ضربت عيني على الشهر يلي تعرفت فيه عليك. شهر نيسان. ما رح أنساه .
لما ضفتني فيها عالمسنجر. وتساءلت عليّ.
أول مرة ئلتلي فيها ( رح ئلك كلمة وبدي ياكي تنسيها ..بحبك )، أول مرة دئتلي فيها تلفون . وبعتلي ايميل ئلتلي ( صوتك حلو) وتاني

مرة وئت رديت علي وئلتلي ( باجي باجي).
اول مرة بعتلي فيها صورتك . ولما بعتلك صورتي . وئلتلي (لطيفة)

لك انا لطيفة بس يا دب؟ انا بجنن ::P

أول مرة علمتني كيف بحكي كلمة جنس فيها. يمكن ما تسدء بس انا لحد ما عرفتك لعرفت كيف العملية الجنسية بتصير . منشان هيك ما كنت أعرف رد عليك . و استحي ئلك انو انا ما بعرف بهالحكي.

كل ما برحع بئرا حكيك ودلالك الي، انو بحياتي ما رح شوف هيك دلال، كنت ميتة وعيشتني، كان جواتي فضا وفراغ ومليتني.
عيشتني شهرين و اختفيت.
بتحكي: " شو الفايدة" ليش ما كنت تحكي من الأول شو الفايدة.
بتحكي : بدك أحبك عالمسنجر؟ ليش هالزكا ما كان من الأول؟
بتحكي وبتحكي شو فايدة الحكي غير زيادة قهر ألي.
سؤال واحد بدي ضل أسأل حالي كل ما اتزكرك:

انا شو كنت

تسلاية؟ تملاية فراغ؟ مشروع روعة تاني؟

حست فيني بجد ؟

ما حبيت اضغط عليك لأعرف ، بعرف انك تعبان

ازا شي مرة عرفت توصل لهون، بشو بدي حلفك؟ مافي شي أحلفك فيه

بس تركلي جواب هالسؤال: انا شو كنت؟؟؟؟؟

،

. أعلم أن روحي قد تُركت عند قدميك عن طيب خاطر . تُركت عند باب رفضك، استسلمت لك وسلمّت أن أُبي مالكها .

PS: isn't strange that this very three words right beside ur name on ur MSn are the very same password of this blog!