بجد يا أبي بجد كسرتني
كسرتلي نفسي وئلبي
مالي حاطة اللوم عليك بالكل ، الحق علي كمان يلي تركت حالي ودوبت حالي فيك
مالي مسامحتك ومالي مسامحة حالي ومالي مسامحة الله يلي عرفني عليك
دخيل الله لشو كل هاد صار
حسيت بالأخير اني كنت ولا شي ألك ولا هزتلك شعرة، يمكن بتئعد بتضحك عليّ
بس انت كنت متل زلزال هزني من جوا و خربني
لا تفكرني عم زاود بالحكي ، أو عشئانة" الليل والدموع"
انا قرفانة حالي وقرفانة ئلبي وقرفانة هالمزلة يلي انزليتها وقرفانة يلي انا فيه، مشتهية شي ضربة تنزل على راسي وافقد الزاكرة
ازا بدي نام بتمنى احلم فيك
وازا بدي فيئ بفيئ لأصفن فيك
مالي فهمانة شو هالسيطرة يلي سيطرتها على مخي
تفكيري موقف عندك
زاكرتي وقفت عندك
الزمن وقف عندك
صرلي سنة ونص على هالحالة
يوم بتحسن وبفرح وبرجع تاني نهار بنتكس
اشتئتلك كيتر و مشتهية أحكيك
بتركلك مسج عبلوغك وبئرف حالي
مشتهية احكيك ئبل ما سافر
بضل حكيك بطن بأدني
" مابدي منك شي، انسيني وبس"
ئال انساك وبس
الله اعلم كم سنة بدي لأنساك وبس
عكلن لازم حط لهالشي
يمكن احسن شي غرق حالي بالشغل وماخلي لحالي دقيقة فكر
يا ترى عم تجي لهون
عم بخطر عبالك شي نهار
بس عئولتك " شو الفايدة"
يا ريتك ئبل ما تعلئني فيك كنت ئلت شو الفايدة
ومالي مسامحتك
