a sent email

كيفك
انشالله تكون بخير
مشتئتلك كتير
بعرف ما رح ترد شو ما رح اكتب
بس علمئلي رح تئرا
يعني افتراضيا عم احكيلك وتسمعني
بما انو ما في حدا احكيه معو هون وحتى بسوريا ما بئى في حدا احكي معو ..
تعبانة كتير . مشتهية ارتاح ما عم اعرف كيف
تعبت من المدرسة ومن الشغل ومن الغربة

مالي عرفانة لشو عم اشتغل
ازا كل شي عم طلعو عم اضطر حولو لأهلي ..ابي ما معو وشغلو يا دوب يطلعلو حق اكلو ..وامي عم تشتغل تشتغل ما عم تلحق ..
الله يعينها ..بكره عيشة النسوان ..كلها تعتير بتعتير ويا ريت حدا رضيان
اي حركة بيتحركوها بتكسر ميزانية البيت ..
واخر حركة عملوها انو خطبولو لأخي
واخي ما معو حق اكلو .. فاضطريت ابعتلون كل شي معي ليكملو الجوازة
الحمد لله .. انو يمكن الله بعتني لهون حتى اهلي ما يضطرو يطلبو من حدا

بس انو شي اسبوعين رح يصير عمري 28 ..28 بتسدئ ... يعني عم اطلع انو الحياة لشو
والله مالي فهمانة لشو
عم تمضى سنة ورا سنة ..

تعبت من شوفة العالم المعترة
تعبت من شوفة الاسى
تعبت من شوفة الهم
مشتهية شوف حدا عم يضحك ,
مشتهية شوف مازن وشوفك
واحكي مازن واحكيك

تعبت من اني اتعلئ بلعالم وبعدين يطلع ما لازم اتعلئ فيهون

وينك؟
ليش خليتني اتعلئ فيك ورحت
ليش مازن خلاني اتعلئ فيه وراح
ليش تدخلو فيي وتروحو
مو وعدتني ما تتركني وتضل معي؟؟؟؟؟؟؟؟؟؟؟؟؟؟؟؟؟؟؟؟؟

يا ريت الله ياخدني واخلص
لو عندي شجاعة لحط حد لعيشتي

بس كلعادة جبانة بكل شي
وبحياتي ما رح اعرف غير شي
يمكن احسن ئول فاشلة
اي ولله فاشلة

عكلن
عينك عحالك